Alloh taologa hamdlar, undan keyin payg‘ambar kelmaydigan oxirgi Payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo‘lsin.

Kafforat yo‘q, ya’ni “Allohga qasam, rozi emasman” degan bo‘lsa — to‘g‘ri aytgan, rozi emas u. Endi uni rozi qiling, bo‘ldi.

Agar: “Allohga qasam, sendan rozi bo‘lmayman” deganida edi, bu boshqa bo‘lardi — unda eringizga qasam kafforati vojib bo‘lardi.

Lekin “rozi emasman, Allohga qasam rozi emasman” degani — “sendan xafa bo‘ldim, aniq xafaman, qasam ichib aytyapman buni” degandek bo‘ladi. Vallohu a’lam.

Bunday paytda hechnima bo‘lmaydi endi, ya’ni bu faqat holatni bayon qilgan bo‘ladi, qasam bilan. Agar u xafa bo‘lib yurgan bo‘lsa — ko‘nglini oling, ya’ni xafaligini ketkizing. Bo‘ldi shu bilan, kelishib ketasizlar in shaa Alloh.

Vallohu a’lam.