Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar bu muolajalar shifobaxsh, sog‘liqni tiklash yoki yuzdagi dog‘ va muammolarni ketkazish uchun qilinayotgan bo‘lsa — bunday muolajalar shar’an joiz. Chunki bu davolanishga o‘xshash jarayon bo‘lib, o‘zida haromlik yo‘q.

 Piling, vitaminli muolajalar, mezoterapiya — yuzni parvarishlash uchun ishlatilayotgan bo‘lsa va inson salomatligi yoki o‘zini erkin his qilishi uchun foydali bo‘lsa, bu muboh (joiz) ishlardandir.

 Plazmalifting — odamning o‘z qonidan olinib, tozalangan suyuqlikning qayta teriga yuborilishi — agar bu shifokorlar tomonidan foydali deb topilgan bo‘lsa va zarari yo‘q bo‘lsa, shuningdek, tibbiy maqsadda bo‘lsa — bu ham joiz hisoblanadi.

   Ammo botoks, tatuaj, labni yoki qoshni sun’iy tekislatish, lab hajmini o‘zgartirish kabi muolajalar esa boshqa hukm ostidadir. Bular:

• Alloh yaratgan xilqatni o‘zgartirish,

• Jaholat davridagi buzuq odatlarga o‘xshashlik,

• Sunnatga zid bo‘lgan xatti-harakatlarga taqlid,

sababli shar’an harom hisoblanadi.

   Rasululloh ﷺ aytganlar:

“Alloh qoshini ingichkalatgan va boshqalarga qildirgan ayollarni, soxta tish yasagan va yuzini o‘zgartirgan ayollarni la’natlagan.”
(Buxoriy, Muslim)

---

 Xulosa:

• Tibbiy muolajalar (vitamin, piling, mezoterapiya, plazmalifting) – agar zararsiz va foydali bo‘lsa – joiz.

• Botoks, tatu, xilqatni o‘zgartiruvchi muolajalar – harom va man qilingan.

Vallohu a‘lam.