Bismillah, alhamdulillah, vas-solatu vas-salamu ‘ala Rasulillah, va ba’d.

Umuman olganda, psixologiya fakultetida o‘qish joiz. Aslida bu o‘zi joiz bo‘lgan bir narsa. Chunki psixologiyada noto‘g‘ri jihatlar bo‘lsa ham, agar inson ularni tanib, to‘g‘rilash yoki foydali taraflarini o‘rganish maqsadida o‘qisa, bu foydali bo‘lishi mumkin.

Psixologiya — o‘rganilsa, foyda beradigan bir kasb. Masalan, yoshlar psixologiyasi bo‘yicha: ayrim bolalarning tarbiyasida, gapirishida yoki o‘zini tutishida muammolar bo‘ladi. Ana shunday holatlarda psixologiya fanini chuqur o‘rgangan mutaxassis bu bolalar bilan qanday muloqot qilishni, ularga nima kerakligini tushunadi. Shu sababli, bu ham bir fan, bir yo‘nalish sifatida, hatto doktorlik darajasigacha o‘rganiladigan soha.

Psixologiyaning o‘zi zararli emas. Muammo — uni qanday ishlatishda. Ba’zi odamlar psixologiya nomi ostida g‘ayb olamlariga kirib ketib, haddan oshib, shariatga zid gaplarni aytib qo‘yishadi. Bu — noto‘g‘ri. Biz noto‘g‘rini noto‘g‘ri deb aytamiz.

Ammo fan sifatida, odamlarni tarbiyalash, ularni tushunish va ularga yordam berish uchun o‘rganilsa, psixologiya foydali bo‘lishi mumkin.

Gap — uni qanday ishlatishda. Allohu a’lam.