Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, bu holatda sizning haqqingiz bor. Turmush o‘rtog‘ingiz uzoq muddatga chet elga ketib, sizni nomahram — uylanmagan tog‘asi bilan bir uyda qoldirishi shar’an noto‘g‘ri va bu katta xatodir. Bunday holatda fitna, shayton va nafs xavfi mavjud.

Agar eri safarga chiqmoqchi bo‘lsa, hech bo‘lmaganda ayolining ota-onasinikida yashashiga ruxsat berishi yoki unga alohida sharoit — masalan, ijaraga uy ajratib berib ketishi lozim.

Aslida, erkak kishining xotini rozi bo‘lmasa, uni to‘rt oydan ortiq yolg‘iz tashlab ketishga haqqi yo‘q.

Shu sababli, siz: «Yo meni ham olib keting, yo menga alohida xavfsiz yashash sharoitini yarating», deb talab qo‘yishga to‘liq haqlisiz.

Vallohu a‘lam.