Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu juda og‘ir va chigal holat. Alloh barchamizga insof va hayo bersin. O‘z keliniga bunday axloqsiz munosabatda bo‘lish — bu juda katta fujur va gunoh. Bunday sharmandali ishni qilgan odam, ayniqsa yoshi ulug‘, aqli joyida bo‘lsa, bu holat yanada og‘irlashadi.

Bu vaziyatda er sifatida erkak o‘z oilasini himoya qilishi farzdir. Ayolini bu kabi buzuq muhitdan chiqarib, alohida yashashga harakat qilsin. Iloj bo‘lsa, ijaraga chiqsin, eskiroq bo‘lsa ham mustaqil yashasin. Chunki bu ayolga bo‘layotgan zulmga yo‘l qo‘yish — dayuslikdir, ya’ni o‘z oilasiga bo‘layotgan buzuqlikni ko‘rib jim turishlik.

Otaga esa yomon muomala qilmasdan, silayi rahm (qarindoshlik aloqasi)ni uzmaslik lozim. Uni harakatda emas, alohida yashab, aloqani muvozanatda olib borish tavsiya etiladi.

Eng to‘g‘ri yo‘l — oila xavfsizligini birinchi o‘ringa qo‘yish va ayni paytda otaga yumshoqlik bilan, ehtiromni buzmasdan yondashishdir.

Vallohu a‘lam.