Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Shariyatga ko‘ra, erga uchta taloq berish huquqi berilgan. Sizning aytishingizga qaraganda, u sizga ikki marta taloq aytgan, ya’ni endi bitta haqqi qolgan.
Agar siz ajralishni istayotgan bo‘lsangiz, bu masalada jiddiy harakat qilinishi kerak. Nikohni er-xotin yolg‘iz hal qila olmaydi, ayniqsa bu kabi murakkab holatlarda. Kattalar, ya’ni ota-onangiz, akalaringiz, amakalaringiz yoki boshqa yaqin qarindoshlaringiz bu ishga aralashishi lozim.

Kiyov tarafga borib, holatni tushuntirishadi, erga bosim qilishadi, muammoning ildizini aniqlashga harakat qilishadi. Balki ular maslahat berib, sabr qilish yaxshiroq deyishlari mumkin yoki aksincha: “Bu holatda ajrashish zarur”, deyishlari ham mumkin. Har holda bu ish oilaviy kattalar ishtirokisiz hal bo‘lishi qiyin.

Shuni bilingki, ayol kishining er taloq bermasa, o‘zi ajralishga haqi yo‘q. Ammo bu, umidsizlikka tushish degani emas. Shariatda “xul’” yo‘li bor: agar ayol mahrini qaytarib bersa, ajralish talab qilsa, lekin er baribir rozi bo‘lmasa, bu holda qarindoshlari, ishonchli shaxslar, hatto zarurat bo‘lsa, mahalliy muftiy yoki shar’iy maslahatchi aralashib, muammoni hal qilishlari mumkin.

Demak, siz yolg‘iz emasligingizni biling. Sizni qiynayotgan bo‘lsa, sizga yordam qo‘lini cho‘zish birinchi navbatda oilangiz — akangiz, otangiz, qarindoshlaringizning vazifasi. Alloh taolodan sizga sabr, to‘g‘ri qarorlar va yengilliklar tilaymiz.

Vallohu a‘lam.