Bunday holatlarda ishlash natijasida Islomga zid bo‘lgan ko‘plab amallarni bajarishga to‘g‘ri kelib qoladi. Masalan; tirnoqlarga ishlov berish, qosh yoki yuzni terish kabi shariatda mahzur va la’natlangan, mumkin bo‘lmagan ishlar bilan shug‘ullanish ehtimoli katta.

Shuning uchun, dinini o‘ylagan ayol bunday ishlarni qilmasligi kerak. Dinini, erini, nomusini o‘ylagan ayol bunday ishlardan chetda bo‘lishi kerak, chunki bu sohada ko‘pincha shariatga xilof ishlar aralashib ketadi.

Masalan, sochni silliqlash yoki jingalak qilish — ayollar uchun shar’an joiz bo‘lgan amallardir. Asosan, ayollarga ziynat qilish mubohdir: sochni bo‘yash, unga chiroy berish ham shariatda ruxsat etilgan. Agar ish faqat shu bilan cheklansa — ha, bu mumkin.

Ammo, amalda ko‘pincha faqat soch bilan cheklanilmaydi. Go‘zallik saloni xizmatlari orasida qosh terish, yuz terish, tirnoqlarni bezatish kabi boshqa ishlar ham bor, va ular ko‘pincha shariatga butunlay zid bo‘ladi. Bunday ishlar soatlar davomida bajariladi, deb eshitamiz.

Shuning uchun, erini, nomusini va dinini qadrlaydigan ayol bunday ishlardan uzoq bo‘lishi kerak, degan fatvo beramiz. Vallohu a‘lam.