Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yig‘lash yoki yig‘lay olmaslik — ilmning qabul bo‘lishi yoki bo‘lmasligini bildiradigan mezon emas. Ilmning o‘z egasiga foyda berishi — unga amal qilish bilan o‘lchanadi. Yig‘layotgan odam ham gunoh ish qilishi mumkin, yig‘lamayapti deb kimnidir ilmsiz deyish ham noto‘g‘ri.

Ali ibn Abi Tolib (roziyallohu anhu) aytganlar:
“Ilm amallarni chaqiradi. Agar amal kelmasa, ilm ko‘chib ketadi.”

Demak, asosiy narsa — ilmga amal qilish.
Qur’on ta’sir qilayotganining belgisi — ko‘ngilning yumshashi. Payg‘ambarimizga bo‘lgan muhabbat, dard, yumshoqlik — bu iymon alomatlaridan. Yig‘lay olmaslik — qalbingiz qattiqligini bildirmaydi.

Shunchaki, ilmni manbadan o‘rganing, amal qilishga intiling. Ko‘ngil ta’sirlansa — bu nur ustiga nur. Asosiysi — amal va ixlos.

Vallohu a‘lam.