Bismillah,

Alloh ta’ologa hamdlar, undan keyin payg’ambar bo’lmaydigan payg’ambarga, uning oilasi, sahobalari va to qiyomatgacha ularga yaxshilikda ergashganlarga salavot va salomlar bo’lsin.

Musulmon kishiga kofira ayolni, shu jumladan, o‘zining kofira onasini ham nikohga berish joiz emas. Nikohga berish vazifasi uning valiysi (vakili) bo‘lgan shaxsga yuklatiladi. Agar bu ayolning kofir otasi, akasi yoki amakisi bo‘lsa, ulardan biri uni turmushga berish huquqiga egadir.

Musulmon kishi kofira ayolga valiy bo‘la olmaydi. Xuddi shunday, kofir kishi ham muslima ayolga valiy bo‘la olmaydi. Agar u kofira ayol musulmonlar mamlakatida yashasa va kofirlardan valiysi bo‘lmasa, bunday holda u ayol musulmonlardan birini o‘zining valiysi qilib tanlashi lozim.

Bunday valiysi bo‘lmagan taqdirda, uni turmushga berish vazifasi mamlakat hokimiga yuklanadi. Hokim musulmon bo‘lsa, u ayolni uylanmoqchi bo‘lgan shaxsga turmushga berish huquqiga ega.

Shuningdek, bu huquq qoziga, uning yordamchisiga yoki hokimning vakiliga ham beriladi.
Agar u musulmon bo‘lmagan mamlakatda yashasa, uni turmushga berish vazifasini uning kofir yurtdoshlaridan biri bajaradi.

Vallohu A’lam