Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar sizning gumoningizga ko‘ra o‘sha kapilkada qancha pul bo‘lgan bo‘lishi mumkin deb o‘ylasangiz, shunga yaqin miqdorni — hattoki biroz ko‘proq qilib bo‘lsa ham — egasiga yoki uning vorislariga topshirsangiz, bu bilan zimmaingiz yengillaydi, inshaAlloh.

Siz ularni albatta rozi qilishga majbur emassiz. Masalan, ular o‘sha idishning o‘zini yoki ichida yo‘qolgan deb boshqa narsalarni so‘rashsa — bu ularning haqqi emas. Sizning vazifangiz — shubhasiz qolmaslik va ma’suliyat hissi bilan ehtimoliy zararni qoplashdir.

Agar ularga: “Mana, men sizlarning haqqingiz deb niyat qilib shu pulni topshiryapman. Iloji bo‘lsa rozi bo‘linglar,” desangiz va ular “rozi bo‘ldik” deyishsa — nur ustiga nur. Aks holda, sizning zimmaingizdagi haq ado etilgan bo‘ladi.

Vallohu a‘lam.