Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Endi agar yoshi katta momolar bo‘lsa, masala biroz yengilroq. Lekin baribir nomahramlik hukmi saqlanadi. O‘pish darajasigacha bormaslik kerak. Iloji bo‘lsa, muloyimlik bilan masofani saqlab, hurmat bilan salomlashish kifoya qiladi.

Ba’zi joylarda urfga ko‘ra yelkasiga qoqib qo‘yish yoki qo‘lini qisqa ushlab qo‘yish kabi holatlar bo‘ladi. Ammo o‘pish yoki ortiqcha yaqinlikka bormaslik kerak. Chunki baribir nomahram ayol — yoshi katta bo‘lsa ham.

Qishloq joylarda urf-odat kuchli bo‘ladi. Masalan, hajdan kelgan odamni ayollar birma-bir kelib o‘pishlari kabi holatlar uchraydi. Lekin urf shariatdan ustun emas. Imkon qadar chiroyli muomala bilan chetlashish kerak.

Alloh taolo qari ayollar haqida yengillik bergan bo‘lsa ham, oyat oxirida:

وَأَن يَسْتَعْفِفْنَ خَيْرٌۭ لَّهُنَّ ۗ 

“Iffat saqlashlari ular uchun yaxshiroqdir.”

An-Nur 60-oyat

Ya’ni, hatto yoshi katta ayollar ham iffatni saqlashi afzal.

Shuning uchun erkak kishi nomahram ayolni o‘pishi joiz emas. Yoshi katta bo‘lsa ham, hurmat bilan, masofani saqlab, qo‘l bermasdan salomlashish eng xavfsiz yo‘ldir.

Muloyimlik bilan tushuntirish, masalan: “Kechirasiz, biz qo‘l bermaymiz, shunday odat qilganmiz”, deb aytish mumkin.

Vallohu a‘lam.