Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Siz mashinani urib, zarar yetkazgan bo‘lsangiz, bu zararni siz qoplashingiz farz bo‘ladi. Chunki jabrlanuvchi, hatto musulmon bo‘lmasa ham, mazlum hisoblanadi. Siz esa hozirgi holatda zolim bo‘lib qolyapsiz. Sug‘urta o‘z va’dasini bajarmagan bo‘lsa, siz ularni ustidan shikoyat qilib, to‘lashlarini talab qilishingiz mumkin. Ammo baribir, bu zarar siz orqali kelgani uchun javobgarlik sizning zimmangizda qoladi.

Shuning uchun avvalo o‘zingiz to‘lab, keyin sug‘urtadan olishingiz mumkin. Ammo to‘lamay yurish — zulm sanaladi. Bu yerda zararni o‘z vaqtida to‘lamaslik — zulmga kiradi. Jabrlanuvchi musulmon bo‘lmasa ham, insonlik huquqi bor. Shu sabab, imkon qadar bu ishni kechiktirmay hal qiling.

Vallāhu a‘lam.