Tuxumdoni olib tashlangan ayol buni eridan yashirsa bo‘ladimi?

Nashr sanasi: July 9, 2026

Ko'rilgan: 154

Savol :

Qo‘shnim to‘rt yildan buyon farzand ko‘ra olmayapti. Tuxumdonidagi kistani oldirish vaqtida unga qo‘shib bitta tuxumdonini ham olib tashlashgan.

Doktorlar: «Bitta tuxumdon bilan ham farzand ko‘rsa bo‘ladi», degan ekan. Buni esa operatsiyadan ancha vaqt o‘tib bilibdi. Mendan: «Uydagilarga aytib yurmang, bo‘lmasa meni haydab yuborishadi», dedi. Keyin o‘ylanib qoldim. Rostini aytishi kerakmi yoki oila buzilmasin deb aytmasa ham bo‘ladimi?

Javob :

O’xshash savol-javoblar

Vallohu a’lam, bu narsani aytishi kerak.

Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Vallohu a’lam, bu narsani aytishi kerak. Hech bo‘lmaganda eriga aytishi lozim. Menimcha, bu savolda ayolga nasihat qilinishi nazarda tutilgan.

Eri bu holatdan bexabar bo‘lib, «farzand bo‘ladi» deb kutib yurgan bo‘lsa, bu to‘g‘ri emas. Bu masalani yashirmaslik kerak. Balki doktorga yana murojaat qilish, tekshirtirish yoki boshqa yechimlarni izlash zarurdir.

Agar ayol buni yashirib yursa, erini aldab qo‘ygandek, unga nisbatan xiyonat qilgandek bo‘ladi. Shuning uchun bu masalada ochiqlik va shaffoflik bo‘lishi kerak.

«Eri haydab yuboradi», degan gumon bilan haqiqatni yashirish to‘g‘ri emas. Haydaydimi yoki yo‘qmi — bu boshqa masala. Eri vaziyatni bilib, shunga qarab qaror qiladi. Agar farzand juda muhim bo‘lsa, ehtimol ikkinchi uylanish haqida ham o‘ylashi mumkin.

Lekin «oila buzilib ketadi» degan taxmin bilan haqiqatni yashirib bo‘lmaydi. Bu masalani muloyimlik bilan eriga tushuntirish kerak. Aks holda, eri umr bo‘yi farzand kutib yurishi mumkin.

Chunki oila qurishning asosiy maqsadlaridan biri ham farzand ko‘rishdir.

Vallohu a’lam.

Javob muallifi:

Shayx Sodiq Samarqandiy

Maqola foydali bo’ldimi?

Yo’nalishlar

Bizga bog’laning