Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

“Taqdiring o‘zingning qo‘lingda” degan gap sabablarga intil degan ma’noda to‘g‘ri. Ammo haqiqiy taqdir – barcha ishlarning yozig‘i – faqat Allohning qo‘lidadir. Hech kim, hatto payg‘ambar ham o‘z taqdirini mustaqil hal qila olmaydi.

Bizga sabab qilish buyurilgan: harakat qilamiz, duolar qilamiz, ilm olamiz, ehtiyot choralarini ko‘ramiz. Ammo natija – Allohning irodasi va yozgan taqdiri bilan bo‘ladi.

Odamlarning sizga qilgan zarari ham – sizga zarar berishlariga izn berilgan bo‘lsa – taqdirdan sanaladi. Lekin bu degani ular aybsiz degani emas. Ular gunohkor bo‘lishadi, siz esa sabr va duo bilan sinovdan o‘tasiz.

Xulosa: Taqdir – Allohdan. Bizga sabab qilish – harakat qilish – buyurilgan. Taqdirga iymon keltiramiz, sabablarga esa amal qilamiz.

Vallohu A’lam.