Bismillahir rohmanir rohiym. Vassalatu vassalamu ‘ala Rasulillah. Amma ba’d:

Agar bu taloqlar bir majlisda aytilgan bo‘lsa, hozir aytilgan holatga ko‘ra, faqat bitta taloq tushgan hisoblanadi.

Endi, oradan 10 yil o‘tgan bo‘lsa, ular yana nikoh qilib yashashlari mumkin. Nikohdan keyin bitta taloq tushgan hisoblanadi, ya’ni ularning qo‘lida yana ikkita taloq haqqi qoladi.

Bu shunday bo‘ladi: uchta taloqdan bittasi ketgan, ikkitasi qolgan. Chunki bir majlisda “taloqsan” deb aytilgan narsa, ustma-ust aytilgan bo‘lsa ham, fiqhga ko‘ra bitta taloq hisoblanadi.

Shuningdek, erkak: “Agar birga yashamasak, uch taloq bo‘lsin,” degan bo‘lsa ham, bu shartli aytilgan bo‘ladi. Va bu ham bir majlisda bo‘lgan bo‘lsa, u holda hammasi bitta taloq deb hisoblanadi.

Idda davrida bir necha taloq berilgan bo‘lsa ham, agar ular bir majlisda aytilgan bo‘lsa, bularning barchasi bitta taloq hisoblanadi.

Shu asosda, hozirgi holatda xotin bitta taloq bilan ajrashgan hisoblanadi va ular qayta nikohlansa bo‘ladi.