Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu suratlar devorga osilmasdan, faqatgina yodgorlik uchun albomda saqlab qo‘yilsa, bu masala ixtilofli hisoblanadi. Chunki bu yangi paydo bo‘lgan masalalardan biri.

Ba’zi ulamolar buni muboh (joiz) deb aytishgan. Ammo ko‘pchilik rabboniy , hozirgi zamonda taqvo yo‘lini tutgan olimlar esa bunga ruxsat yo‘q, deyishgan. Shu sababli bu kabi suratlarni yig‘ish va saqlashdan tiyilish afzalroq hisoblanadi.

Suratlar hech qanday foyda keltirmaydi, aksincha, faqat hasrat va nadomat uyg‘otishi mumkin. Ayrimlar uchun bu – faqat o‘tgan kunlarni eslash vositasi xolos. Suratlarning uydagi mavjudligi boshqa muammolarga ham sabab bo‘lishi mumkin.

Shu sababli, bu ishni qilmaslik – afzal.

Vallāhu a‘lam.