Buni ulamolar makruh deyishgan. Ya’ni, ba’zilar bu ishni makruh tahrimiy (ya’ni, haromga yaqin makruh), ba’zilar esa oddiy makruh deb hisoblashgan. Afzali – to‘liq yozishdir. Chunki Rasululloh sallallohu alayhi vasallamning ismlari til bilan aytilganida qanday salovat aytilsa, yozilganida ham salovat yozilishi kerak, degan fikr bor.

Ibn Solah o‘z muqaddimalarida bu haqda gapirgan, Suyutiy ham “Ulumul hadis” kitoblarida bu masalaga keng to‘xtalgan. Ulamolar qisqartirish makruhligi haqida bir qancha naqllarni keltirishgan. Shuning uchun erinmasdan “sallallohu alayhi vasallam” deb to‘liq yozish kerak.

Hatto ba’zilar “Rasululloh alayhissalom” deb yozib ketishgan, bu ham to‘g‘ri emas. Chunki “alayhissalom” iborasi payg‘ambarlarga emas, boshqa payg‘ambarlardan tashqari kishilarga nisbatan ishlatiladi. “Vassallam” qismini aytmasdan ketish ham noto‘g‘ri bo‘ladi.

Salaflardan bir kishi shunday degan: “Doim shoshilib, yozganda ‘Rasululloh alayhissalom’ deb yozib ketardim. Bir kuni tushimda Rasulullohni ko‘rdim. Rasululloh: ‘Ey falonchi, “vassallam” degan joyi qani? Nega menga doim salom aytmaysan?’ dedilar. O‘shandan keyin bu amalni hech tark qilmaydigan bo‘ldim.”

Bu amalda baraka bor. “Ko‘p vaqt ketadi”, deb o‘ylamaslik kerak. Aslida qancha vaqt ketadi? Hammasini yig‘ganda o‘rtacha 10 daqiqa yoki yarim soat bo‘lishi mumkin. Bu vaqt davomida qo‘lingiz salovat yozish bilan mashg‘ul bo‘ladi. Vaqtingiz shunga ketsin, baraka topasiz.