Ustoz, bizning mahallamizda Qurbon hayiti arafasida biror xonadonda o‘lim bo‘lsa, o‘sha xonadon hayit kuni qurbonlik so‘ymaydi yoki molni boshqalarga berib yuboradi. Bu amaliyot to‘g‘rimi?
Bu ish shariatda asosi bo‘lmagan bir odatdir. Sahobalar yoki salaflardan bunday amal rivoyat qilinmagan. O‘lim hayotning bir bo‘lagi, lekin u Qurbon hayiti kabi ibodatni tark etish uchun sabab bo‘la olmaydi. Qurbonlik — Allohga yaqin bo‘lish uchun bajariladigan muqaddas ibodat. Uni o‘lim sababli birovga topshirish yoki tark qilish shariatda ko‘rsatilmagan.
Shuning uchun, agar xonadonda o‘lim bo‘lgan bo‘lsa ham, qurbonlik qilish joiz va maqbul. Qurbonlik qiladigan kishi imkon topgan bo‘lsa, uni o‘zi bajargani afzal. Bu masalada xalq orasida yurib ketgan noto‘g‘ri urf-odatlarga emas, shariatga ergashish lozim.
Vallohu a‘lam.