Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bo‘ladi, bu duo joiz. Chunki siz Allohdan so‘rayapsiz. “Ey Rasululloh, bizga shafoat qiling”, deb so‘ralsa — bu noto‘g‘ri bo‘ladi, chunki bu Rasulullohga duo qilishga kiradi. Ammo “Yo Alloh, meni Rasulullohning shafoatlariga dohil qilgin”, deb so‘ralsa — bu Allohga qilinadigan duo hisoblanadi va joizdir.

Alloh taolo Qur’onda aytadi: “Qul lillāhi ash-shafā‘atu jamī‘ā” — “Ayting: butun shafoat faqat Allohnikidir” (Zumar, 44).

Demak, shafoatni faqat Alloh beradi, va uni Undan so‘rash mumkin. Shuning uchun bu duoda hech qanday zarar yoki xatolik yo‘q.

Vallohu a‘lam.