Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu holatda shar’iy me’zonlarga rioya qilib yashaysiz. Ya’ni:

• qayin-uka oldida hijobda yurishingiz shart,

• muomala, o‘tirish-turish, yolg‘iz qolib ketmaslik kabi odoblarga e’tibor qilasiz.

Ammo “Bu uyga kelmanglar, boshqa joyga boringlar”, deb qat’iy aytish hozircha to‘g‘ri bo‘lmasligi mumkin. Bu gap ularga og‘ir botadi, tushunmovchilik va sovuqlik keltirib chiqarishi ehtimoli bor.

Shuning uchun:

• sabr qilasiz,

• imkon qadar sharoitni shar’iyat doirasida moslab olasiz,

• Alloh taoloning kalomiga amal qilasiz:

فَاتَّقُوا اللَّهَ مَا اسْتَطَعْتُمْ
“Qo‘lingizdan kelganicha Allohdan qo‘rqing.”

Ya’ni:

• nimaga qodir bo‘lsangiz, shuni qiling,

• hijob, masofa va odobni qo‘ldan bermang,

• mehmonlarning ko‘nglini olishga harakat qiling,

• xizmatlarini qilib, duolarini oling.

Axir ular mehmon, vaqtinchalik kelgan odamlar. Bir oz turib, ketishadi, inshaAlloh.

Shuning uchun, hatto qiyin bo‘lsa ham sabr bilan, yumshoqlik bilan, yaxshi muomala bilan

bu davrni o‘tkazib yuboring. Bu sabrning ajri katta bo‘ladi, Alloh xohlasa.

Vallohu a‘lam.