Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, bu duoibad qilishga kiradi.

Rasululloh ﷺ bundan qaytarganlar. U zot:

“O‘zingizni qarg‘amanglar, farzandlaringizni qarg‘amanglar, mol-dunyolaringizni qarg‘amanglar. Alloh taoloning duolar ijobat qilinadigan bir vaqtiga to‘g‘ri kelib qolib, duoyingiz ijobat bo‘lib qolishi mumkin.”

Mazmunidagi hadisni aytganlar.

Shuning uchun otaning bunday gaplarni aytishi xato va noto‘g‘ri.

Agar keyin o‘zi ham: “G‘azabimda aytdim, xato qildim,” deb tan olayotgan bo‘lsa, bu uning o‘zi ham qilgan ishining noto‘g‘ri ekanini tushunayotganini bildiradi. Bunday odatdan voz kechishi kerak.

Lekin farzand ham otasini shunday darajada g‘azablantirib qo‘ymaslikka harakat qilishi lozim. Agar otasi g‘azablanganida shunday gaplarni aytishini bilsa, imkon qadar bunga sabab bo‘ladigan holatlardan saqlanishi kerak.

Shunga qaramay, agar ota nohaq ravishda g‘azab ustida shunday gaplarni aytgan bo‘lsa, bu bilan farzand avtomatik ravishda oq bo‘lib qolmaydi. Nohaq aytilgan bunday so‘zlar farzandga zarar qilmaydi.

Vallohu a’lam.