Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, bunday inson dayus bo‘lmaydi.

Agar u o‘z zimmasidagi vazifani ado etayotgan bo‘lsa, ya’ni nasihat qilsa, shar’iy hijobga da’vat qilsa va munkardan qaytarsa, u o‘z burchini bajargan bo‘ladi.

Alloh taolo marhamat qiladi:

يَـٰٓأَيُّهَا ٱلَّذِينَ ءَامَنُوا۟ عَلَيْكُمْ أَنفُسَكُمْ ۖ لَا يَضُرُّكُم مَّن ضَلَّ إِذَا ٱهْتَدَيْتُمْ ۚ

Ey, iymon keltirganlar! O`zingizni biling. Agar hidoyatda bo`lsangiz, adashganlari sizga zarar qilmas. (Moida surasi, 105-oyat)

Demak, siz ularga nasihat qildingiz, tushuntirdingiz, amri ma’ruf va nahiy munkar qildingiz. Shundan keyin ular baribir qabul qilmayotgan bo‘lsa, siz vazifangizni bajargan bo‘lasiz.

Dayus degani esa, o‘z ahlining gunohi, fahsh yoki iflos ishlariga rozi bo‘lib, ularga indamay qo‘yadigan yoki buni ma’qullaydigan kishidir.

Ammo siz bu ishlarga qarshi bo‘lsangiz, nasihat qilsangiz va ularni qaytarishga harakat qilsangiz, Alloh sizning holatingizni biladi. Bunday holatda sizga gunoh yo‘q.

Vallohu a’lam.