Alloh taologa hamdlar, undan keyin payg‘ambar kelmaydigan oxirgi Payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo‘lsin.

Vallohu a’lam, bu ishingiz qimorga o‘xshab qolmoqda. Chunki barcha ishtirokchilar pul to‘lab kirishmoqda, oxirida esa faqat ayrimlari o‘sha to‘plangan mablag‘dan sovrin olishmoqda. Bu — joiz emas.

Agar o‘sha sovrin pullarini chetdan, ya’ni boshqa bir inson yoki tashkilot homiy sifatida qo‘ysa, bu hol joiz bo‘ladi.

Agar sovrin o‘quvchilarning o‘zlaridan yig‘ilgan puldan bo‘lsa, bu aynan qimorga o‘xshaydi. Chunki qimor ham shunday: hammadan pul yig‘iladi, ichidan kimdir yutadi. Bu holatda ham shunga o‘xshagan bo‘lib qoladi. Bunday qilish mumkin emas.

Yaxshisi — imkon bo‘lsa, sponsor yoki homiy toping. Masalan:

“Mana shunday olimpiada o‘tkazmoqchimiz, yoshlarimiz ishtirok etmoqda. Kim sovrin qo‘yadi?”
desangiz, bu bolalarni ham qiziqtiradi, siz uchun ham savobli bo‘ladi.

Vallohu a’lam.