Agar qiz bola o’sha yurtga ta’lim olish uchun borib, xavfsiz sharoitda o’qiyotgan bo’lsa, u yerga borishining maqsadi ta’lim bo’ladi. Endi u yerga borgandan keyin: “Umraga ham borib kelaman”, deb chiqishi masalasi boshqa.

Agar umra qilmoqchi bo’lsa, imkon bo’lsa, bu yerdan mahrami kelib, birga umra qilib qaytishlari maqsadga muvofiq bo’ladi.

Agar ishonchli ayollar jamoasi bilan boradigan bo’lsa, Imom ash-Shofi’iy mazhabida haj va umra uchun bunga ruxsat berilgan. Lekin jumhur ulamolar ayol kishining mahramsiz safar qilib haj yoki umraga borishini joiz, deb hisoblamaganlar.

Shuning uchun ehtiyotliroq yo’l — mahram bilan borishdir.

Qiz bola ta’lim olish uchun borgan bo’lsa, o’sha yerda ta’limi bilan mashg’ul bo’lishi maqsadga muvofiq.

Qolaversa, umra nafl ibodat hisoblanadi. Agar mahramsiz borish masalasida ixtilof bo’lsa, undan ko’ra o’z xonasida Qur’on tilovat qilib, zikr va boshqa ibodatlar bilan mashg’ul bo’lishi afzalroqdir.

Vallohu a’lam.