Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Aslida bu ish shar’an joiz. Buni man qiladigan aniq dalil yo’q.

Lekin inson foyda va zararni ham hisobga olishi kerak. Agar bunday yozuvlar odamning o’ziga ortiqcha e’tibor jalb qilsa yoki unga zarar yetishiga sabab bo’lsa, undan tiyilgan ma’qul.

Masalan, shunday kepkani kiyib yurganingiz uchun yo’lda sizni to’xtatishlari, tekshirishlari yoki siz bilan birga bo’lgan boshqa odamlar ham siz sababli noqulay vaziyatga tushib qolishlari mumkin. Bunday hollarda foyda va zarar taroziga solinadi.

Sahobalar bunday yozuvlarni kiyimlariga yozib yurmaganlar. Asosiy maqsad “La ilaha illalloh”, sabr va shunga o’xshash ulug’ ma’nolarni kiyimda emas, qalbimizda, tilimizda va amallarimizda namoyon qilishdir.

Masalan, bosh kiyimga “La ilaha illalloh” yoki boshqa diniy shiorlarni yozib olib, keyin shu sababli o’zingiz yoki yoningizdagilar zarar ko’radigan bo’lsa, bu o’zingizga o’zingiz muammo orttirib olish bo’ladi.

Musulmon kishi har bir ishda foyda va zararni o’lchaydi. Zarardan saqlanish esa shariatning muhim maqsadlaridan biridir.

Vallohu a’lam.