Siz bu vaqtda ko‘p o‘ylayvermang, ko‘p o‘rganavermang u narsa haqida. Allohdan panoh tilang, Qul a’uzu bi-Rabbil-Falaq va Qul a’uzu bi-Rabbin-Nas suralarini o‘qing.

Shuni bilingki, ular odamga zarar bera olmaydi, hech narsa qila olmaydi. Illo Allohning izni bilan. Alloh izn bersa bo‘ladi hamma narsa ham.

Agar Alloh izn bermasa, ular hech qanaqasiga sizga zarar yetkaza olmaydi.

Aksincha, ular odamdan qo‘rqadi. Agar sizning iymoningiz baquvvat bo‘lsa, qo‘rqmasangiz, ular sizdan qo‘rqadi.

Shu sabab Alloh taologa tavakkul qiling va Qur’on o‘qing. Foydali ish bilan shug‘ullaning.

Rasululloh sollallohu alayhi vasallam aytganlar:

“O‘zingga manfaatli bo‘lgan narsaga haris bo‘lgin. Allohdan madad so‘ra va ojiz bo‘lib o‘tirma.”

Shuning uchun:

Allohdan yordam so‘rang,

Dinningizni o‘rganing,

Qur’on o‘qing,

Vaqtingizni foydali narsalarga sarflang,

Namoz o‘qing, ibodat qiling, zikr qiling.

Agar vaqtingiz qolsa, dunyoviy foydali ishlar bilan band bo‘ling:

Dam oling,

Do‘stlar bilan suhbatlashing.

Bekorchilik qilib, “jin keldi”, “shayton keldi” deb o‘zini-o‘zi qo‘rqitish kerak emas.

Masalan, ba’zi ayollar uyda bekor o‘tirib, o‘z-o‘zini qo‘rqitib oladi.
Mana shuning uchun odam manfaatli ish bilan shug‘ullansa, bunaqangi vasvasalar ketadi, insha Alloh.

Vallohu a’lam.