Bismillah, alhamdulillah, vassalatu vassalamu ‘ala rasulillahi, va ba’d.

Bu – fuqaholar o‘rtasida ixtilofli masala. Ya’ni, xulu’ taloq hisoblanadimi yoki yo‘q, degan masala.

Agar xotinning o‘zi talab qilib, masalan, er hech qanday taloq bermoqchi bo‘lmayotgan bo‘lsa, lekin xotin o‘zi talab qilib, xulu’ yo‘li bilan ajrashgan bo‘lsa, bu borada fuqaholar o‘rtasida ixtilof bor. Hanafiy ulamolari: “Nima bo‘lishidan qat’i nazar, xulu’ taloq hisoblanadi,” deydilar.

Shofeiy mazhabida esa tafsilot bor. Agar ajrashishni xotinning o‘zi talab qilgan bo‘lsa, bu xulu’ hisoblanadi. Ammo er istamay: “Men taloq bermayman, lekin xulu’ qilmoqchi bo‘lsang, roziman,” desa, bu fasx hisoblanadi, ya’ni nikoh bekor qilinadi, ammo bu taloq hisoblanmaydi, deydilar.

Agar holat aynan shunday bo‘lgan bo‘lsa va er ham shu e’tiqodda bo‘lsa, bu fasx hisoblanadi. Bu holda er uni qaytadan nikohlashi mumkin.

Ya’ni, ikki marta taloq va uchinchi safar xulu’ bo‘lgan holatda, agar xulu’ taloq hisoblanmasa, bu holatda nikoh buzilgan, lekin uch taloq to‘la bo‘lmagan hisoblanadi. Shunday ekan, qaytadan nikohlab olish mumkin bo‘ladi.

Vallohu a’lam.