Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Albatta, bu joiz emas.

Chunki shar’iy hijobning sakkizta sharti bor. Agar bu shartlardan bittasi ham yo‘qolsa, kiyim hijoblik maqomini yo‘qotadi.

Ushbu shartlardan biri — kiyim ichini ko‘rsatmasligi, shaffof bo‘lmasligi.
Agar kiyim ichidagi kiyim yoki badan rangi ko‘rinib tursa, bu holatda ayol kiyim kiygandek bo‘lsa-da, aslida yalang‘och hisoblanadi.

Rasululloh ﷺ aytganlar:

«نِسَاءٌ كَاسِيَاتٌ عَارِيَاتٌ…»
“Ba’zi ayollar kiyim kiygan bo‘lsalar ham, yalang‘och bo‘ladilar…”
(Muslim rivoyati)

Demak, shaffof yoki badanni shakllantiradigan kiyim hijob hisoblanmaydi.
Hijob — yopuvchi, ziynatni yashiruvchi va begona erkaklarning nazaridan himoya qiluvchi kiyimdir.

Hijobning ba’zi boshqa shartlari:

1. Kiyim shaffof bo‘lmasligi, badanni ko‘rsatmasligi.

2. Tor bo‘lmasligi, badanning shaklini belgilamasligi.

3. Ziynatlib yoki bezak uchun bo‘lmasligi.

4. Kofira ayollarning libosiga o‘xshamasligi.

5. E’tibor jalb qilmaydigan va qimmatbaho bo‘lmasligi.

6. Avratni to‘liq yopuvchi bo‘lishi.

Shuning uchun ichki kiyim, badan rangi yoki shakli ko‘rinib turgan oq yoki yupqa kiyim hijob hisoblanmaydi.
Hijob degani — yopuvchi degani. Agar u yopmayotgan bo‘lsa, demak bu hijob emas.

Vallohu a‘lam.