Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Agar eringizning kasbi doimiy ravishda go’sht sotish yoki shashlik uchun go’sht tayyorlash bo’lsa va u bu ishni yil davomida qiladigan bo’lsa, Yangi yil arafasida ham shu ishini davom ettirishi o’z-o’zidan muammo bo’lmaydi.

Go’shtni xarid qilayotgan odam uni nima maqsadda ishlatayotgan bo’lsa, buning javobgarligi o’z zimmasida bo’ladi.

Masalan, taksichi Yangi yil kuni ham ishlaydi, qassob go’sht sotadi, novvoy non pishiradi. “Bayram bo’lyapti” deb ularning barchasi ishini to’xtatishi shart emas. Bunday talab odamlarni qiyinchilikka soladi.

Lekin bayramning o’zini qo’llab-quvvatlash, uning shodiyonasiga hissa qo’shish boshqa masala.

Masalan, Yangi yil bezaklarini sotish, archa bezash uchun buyumlar tarqatish yoki bayramni yanada nishonlashga xizmat qiladigan ishlarda qatnashish — bu to’g’ri emas.

Ammo inson o’zining odatiy, halol kasbini davom ettirayotgan bo’lsa, bu boshqa hukmga kiradi.

Vallohu a’lam.