Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar yolg‘on gapirsa, albatta gunoh bo‘ladi. Bu masalada yolg‘on ishlatish to‘g‘ri emas.

Lekin bolalar uchun berilgan nafaqa pulini yana o‘sha bolalarning foydasi uchun — uylariga sarflagan bo‘lsa, bu tomondan qaraganda yomon ish qilmagan.

Shunga qaramay, eridan yashirib qilish va keyin noto‘g‘ri javob berish muammo tug‘diradi. Bu holat er-xotin o‘rtasidagi ishonchga putur yetkazishi mumkin. Eri bunday katta pulni ko‘rib, albatta qayerdan kelganini so‘raydi. “Alloh berdi” deb umumiy javob berish esa masalani yanada murakkablashtiradi.

Shuning uchun bunday ishni qilish tavsiya etilmaydi. To‘g‘risi — ochiq aytish: “Men shu pullarni yig‘ib yurgandim, bolalarimiz uchun, uyimiz uchun ishlatdim, rozi bo‘ling”, deb tushuntirish.

Endi pul allaqachon to‘langan bo‘lsa va bolalarning foydasiga ishlatilgan bo‘lsa, uni ortga qaytarish ham oson emas. Shuning uchun bu masala foyda va zarariga qarab, kelajakda to‘g‘rilab boriladi.

Asosiysi — keyingi munosabatni isloh qilish, ishonchni tiklash.

Vallohu a’lam.