Turmush o‘rtog‘im bilan kelisha olmay qolgan edik. Javobimni berishini talab qildim. U avval og‘zaki ravishda: “Javobingni berdim” dedi, men esa ketdim. Keyinroq u menga telefon orqali “bir taloqsan”, “ikki taloqsan”, “uch taloqsan” degan ovozli xabar yubordi. Savolim: bu bir majlisda aytilgan uch taloq sanaladimi yoki ta’kidlash sifatida aytilgan bitta taloq hisoblanadimi? Oilani saqlab qolishimiz mumkinmi?
Bu holatda ulamolarning ko‘pchiligi fikriga ko‘ra faqat bitta taloq tushgan hisoblanadi. Chunki:
-
“Javobingni berdim” degan ibora taloq niyatida aytilgan bo‘lsa, u taloq hisoblanadi.
-
Ortidan aytilgan “bir taloqsan, ikki taloqsan, uch taloqsan” so‘zlari esa birinchi aytilgan taloqni ta’kidlash, ya’ni kuchaytirish ma’nosida bo‘ladi.
-
Bu so‘zlar bir majlisda, ya’ni bir vaqtda aytilganligi sababli, ularning barchasi bir taloq deb qaraladi.
Agar bu voqea yaqin kunlarda ro‘y bergan bo‘lsa va siz idda muddatida bo‘lsangiz, eringiz sizni nikohsiz qaytib olish huquqiga ega. Agar idda muddati tugagan bo‘lsa, u holda yangi nikoh bilan qaytishingiz mumkin.
Shuningdek, agar undan oldin boshqa taloqlar bo‘lmagan bo‘lsa, sizlarning orangizda ikki taloq haqi saqlanib qoladi, va oilani saqlab qolish mumkin.
Vallohu a‘lam.