Bismillah, vassalatu vassalamu ‘ala Rasulillahi, va ba’d.

Agar bilmay yeb qo‘ygan bo‘lsa, bu narsa insha Alloh kechiriladi. Bunday holatda tavba qilish kifoya qiladi. Buning uchun maxsus kafforat belgilanmagan, chunki u harom narsani bilmay iste’mol qilgan.

Agar u yegan narsa yaqinda bo‘lsa, qusib tashlagani afzalroq. Abu Bakr Siddiq (roziyallohu anhu) ham bir safar harom narsani bilmay yeb qo‘yganlarida, qo‘llarini tomog‘lariga tiqib qusib tashlagan holatlari bo‘lgan. Agar imkon bo‘lsa, shunday qilgan ma’qul. Ammo agar vaqt o‘tib ketgan, u narsa hazm bo‘lib, anchadan beri o‘tgan bo‘lsa, unda bo‘lib o‘tgan ish bo‘libdi.

Endi bundan keyin tavba qilib, ko‘proq yaxshi amallar qilishga harakat qiling. Alloh taolo aytadi: “Innal hasanātu yuzhibnas-sayyi’āt” – ya’ni “Yaxshi amallar yomonliklarni ketkazadi.”

Agar bu ish bilmasdan sodir bo‘lgan bo‘lsa, insha Alloh gunoh yozilmaydi. Faqat bundan keyin bu masalada yanada ehtiyotkor bo‘ling, har bir luqmangiz halol bo‘lishiga jiddiy e’tibor bering.

Vallohu a’lam.