Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, bunda sudxo‘rlikka yordam bergan bo‘lmaysiz. Chunki siz bank kartasidan ribo qilish uchun emas, balki o‘zingizning zarur ehtiyojlaringizni ado etish uchun foydalanayapsiz.

Bugungi kunda ko‘plab xizmatlar bank kartasi orqali ishlaydi. Masalan, ayrim jamoat transportlarida naqd pul qabul qilinmaydi, faqat karta orqali to‘lov qilinadi. Bunday holatda inson zaruratiga ko‘ra kartadan foydalanadi.

Rasululloh ﷺ:

«إِنَّمَا الْأَعْمَالُ بِالنِّيَّاتِ»

“Amallar niyatlarga bog‘liqdir,” deganlar.

Sizning niyatingiz ribo bilan shug‘ullanish emas. Siz kartaga pul qo‘yib, kerakli xizmatlar uchun to‘lov qilasiz, xolos.

Agar bank ko‘rsatgan xizmati evaziga ma’lum xizmat haqqi olsa, bu xizmat haqi bo‘lib, ribo hisoblanmaydi.

Shuning uchun oddiy bank kartasidan kundalik to‘lovlar uchun foydalanishning o‘zi sudxo‘rlikka yordam berish hisoblanmaydi.

Vallohu a’lam.