Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, bunday holatda ayol bu haqida eriga aytishi kerak, chunki pul aniq maqsad – o‘qish uchun ajratilgan. O‘qituvchi pul olmagan bo‘lsa, ayol bu haqida eriga ochiq xabar berishi kerak. Aks holda, bu ishonchga xiyonat hisoblanadi.

Agar er keyinchalik bu holatni bilib qolsa, “Sen meni aldabsan”, deb xafa bo‘lishi, hatto gumon qilishga boshlashi mumkin. Oila orasida ishonch juda muhim. Ayol yashirib harakat qilsa, demak, o‘zi ham bu ishda noaniqlik borligini bilgan bo‘ladi. Shuning uchun, pul o‘z vaqtida ishlatilmasa yoki kerak bo‘lmasa, bu haqida ochiqcha aytilgani afzal.

Oila ichida shubha, yashirincha ishlatish, ishonchni zaiflashtiradi. Shuning uchun har bir masalada er-xotin o‘zaro ochiq va halol bo‘lishi, ishni bir-biriga xabar berib turishi kerak.

Vallohu a‘lam.