Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ya’ni, “nima narsani nafaqa qilaylik?” deb so‘ralganda Alloh taoloning so‘zi kelgan:

يَسْأَلُونَكَ مَاذَا يُنفِقُونَ قُلِ الْعَفْوَ

“Sizdan: ‘Nimani nafaqa qilaylik?’ deb so‘rashadi. Ayting: ‘Ortiqchasini.’” (Baqara, 219-oyat)

Ya’ni, hozir ehtiyojingizdan ortiq narsa bormi? Shuni sarflang. Avvalo ota-ona, qarindoshlar, yetim-yesirlar, beva-bechoralarga bering.

Pul sarflash yo‘llari juda keng: masalan, ota-onaning nomiga yoki o‘z nomingizga vaqf qilishingiz mumkin. Suv chiqazib, ichimlik suvi kerak bo‘lgan joylarga yetkazib berish, kambag‘allarga uy-joy, kiyim-kechak, oziq-ovqat yetkazish, qarzdorlarni qarzidan qutqarish, yetimlarni tarbiyalash, talabalarga ilm olishlariga yordam berish.

Yana qancha-qancha davolanishga muhtoj kasallar bor — davo uchun yetmagan xarajatlarini to‘lab berish ham katta savob. Shuningdek, masjid, madrasa, islomiy ilm tarqatadigan loyihalarni qo‘llab-quvvatlash ham mumkin.

Agar “Alloh uchun qilaman” desangiz, ehson va xayr ishlari uchun imkoniyatlar juda ko‘p va joylar to‘lib yotibdi. Shunday ekan, barcha farz va vojiblarni ado etganingizdan so‘ng ham pul ortib qolsa, uni oxiratga zaxira bo‘ladigan ishlarga sarflang.

Vallohu a‘lam.