Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Muhammad ﷺ shunday deganlar:
“Bolalaringizni yetti yoshida namozga buyuringlar, o‘n yoshida esa (o‘qimasa) uringlar.”

12 yoshga kirgan bola endi ancha katta hisoblanadi. Shuning uchun uni namozga uyg‘otish kerak, namozini o‘qisin. Ha, agar bola kasal bo‘lsa, unga yuk yengilroq bo‘lishi mumkin, chunki hali namoz unga farz bo‘lmagan. Ammo shunga qaramay, imkon boricha namoz o‘qishga odatlantirish lozim.

“Rahmim kelib, mayli uxlab qolsin”, deb namozni tark ettirib qo‘yish to‘g‘ri emas. Chunki namozda katta yaxshilik va tarbiya bor. Rasululloh ﷺ o‘n yoshida namoz uchun urishni   buyurgan ekanlar, demak bu yoshga yetgan bolani namozga jiddiy o‘rgatish kerak degani.

Bu bola hozir 12 yoshda — bu endi ancha ulg‘aygan yosh. Shuning uchun unga namozni o‘qitish, odatini mustahkamlash kerak bo‘ladi.

Vallohu a‘lam.