Bismillah,
Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.
Bu masalada, avvalo, shuni aytish kerakki, bunday ishlarni qilmaslikka nasihat qilamiz. Inson o‘zidagi ne’matlarni doimiy ravishda ko‘z-ko‘z qilib yurishi to‘g‘ri emas. Chunki hasad ham bor, ko‘z (nazar) ham bor. Ba’zan inson o‘z oilasiga zarar yetkazib qo‘yishi ham mumkin.
Ayrim ayollar qayerga borsa ham, eri bilan tushgan rasmlarini qo‘yaveradi: ovqat yeyaptimi, sayr qilyaptimi, o‘ynayaptimi — hammasi hammaga ma’lum bo‘lib turadi. Xursandchiligi ham, xafaligi ham, homiladorligi ham, hatto boshiga tushgan sinovlari ham ommaga chiqariladi. Bu darajada hayotni ochiq-oydin ko‘rsatib yurish aqlli va farosatli insonning ishi emas.
Endi buni ko‘rib qalbiga og‘irlik tushayotgan opa-singillarimizga kelsak:
inson Allohning qadariga rozi bo‘lishni o‘rganishi kerak. Kim qadarga rozi bo‘lsa, bunday narsalar unga kuchli ta’sir qilmaydi. To‘g‘ri, inson havas qilishi mumkin, “menga ham shunday bo‘lsa edi”, deb o‘ylashi tabiiy. Ammo bilish kerakki, har bir ne’matning kaliti Allohning qo‘lida. Alloh bersa, hech kim to‘sqinlik qila olmaydi.
Shuning uchun odamlar ne’matlarini ko‘rib, o‘zini qiynash o‘rniga:
-
ijtimoiy tarmoqlarda ularni kuzatmaslik,
-
keraksiz sahifalarga kirmaslik,
-
o‘z qalbini hasad va xafalikdan asrash kerak.
Axir, masalan, Facebook yoki boshqa tarmoqlarga umuman kirmasangiz ham hayot baribir davom etadi. Ko‘pchiligimiz telefon, ijtimoiy tarmoqlarsiz ham ulg‘ayganmiz, hayotimiz o‘tgan. Bu bugun ham mumkin.
Alloh taolo Qur’onda shunday deydi:
وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ
“Ko‘zlaringni Biz ulardan ayrimlariga dunyo hayotining ziynati sifatida bergan narsalarga cho‘zma. Bu bilan Biz ularni sinaymiz. Robbingning rizqi esa yaxshiroq va boqiyroqdir.”
Toha 131 oyat
Bu oyat orqali mo‘minlarga boshqalarga berilgan ne’matlarga ko‘z tikib yashamaslik o‘rgatiladi. Chunki bunday qarashlar ko‘pincha fitna va qalb bezovtaligiga sabab bo‘ladi.
Shuning uchun mening nasihatim:
Bu hayotda kimdir mashinada yuradi, kimdir piyoda. Kimdir farzandli, kimdir hali farzandsiz. Hech kimdan “ne’matingni ko‘rsatma” deb talab qilinmaydi, lekin inson o‘zi farosatli bo‘lib, boshqalarning qalbini hisobga olib yashashi yaxshi.
Eng muhimi, Alloh sizga ham juda ko‘p ne’matlar bergan. Ularni ko‘rishni, qadrlashni o‘rganing. Vaqtingizni:
Mulk ham, baxt-saodat ham Allohnikidir. U xohlagan bandasiga beradi. Shuning uchun kim ijtimoiy tarmoqlarda o‘zini ko‘z-ko‘z qilib yursa — siz ko‘rmang. Shunda qalbingiz ham tinch bo‘ladi.
Vallohu a‘lam.
