Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, joiz bo‘ladi. Chunki bu holatda farzand otasining gunohiga yordam bergan bo‘lmaydi, balki uni bir musibatdan qutqarishga yordam bergan bo‘ladi. Kredit allaqachon olingan, endi uni to‘lamay qo‘yish qarzning ustiga yana qarz qo‘shilishiga, muammolarning yanada ko‘payishiga olib keladi.

Shuning uchun, agar farzand imkonli bo‘lsa, otasiga yordam berib, uni bu qiyinchilikdan tezroq qutqarishi yaxshi va savobli ish bo‘ladi. Bu bilan otasiga rahm-shafqat ko‘rsatgan bo‘ladi.

Qolaversa, ota qanday holatda bo‘lishidan qat’i nazar — gunohkor bo‘lsa ham — otasining farzand ustidagi haqqi hech qachon yo‘qolmaydi. Hatto ota kofir bo‘lsa yoki noto‘g‘ri yo‘lga chaqirayotgan bo‘lsa ham, farzandga unga yaxshi muomala qilish, hurmat va ehtirom ko‘rsatish buyurilgan.

Agar imkon bo‘lsa, ota-onani qarzdan qutqarish ham ota-onaga yaxshilik qilishning bir ko‘rinishi hisoblanadi.

Vallohu a‘lam.