Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar bu so‘z maqtov ma’nosida ishlatilayotgan bo‘lsa — ya’ni ayolning pokligi, beg‘uborligi, go‘zalligi yoki yaxshi xulqiga ishora qilib aytilayotgan bo‘lsa — bunda zarar yo‘q, Allohu a’lam.

Qur’ondagi misol: Yusuf (a.s.) haqidagi qissada ayollar uni ko‘rganda:

فَلَمَّا رَأَيْنَهُۥٓ أَكْبَرْنَهُۥ وَقَطَّعْنَ أَيْدِيَهُنَّ وَقُلْنَ حَـٰشَ لِلَّهِ مَا هَـٰذَا بَشَرًا إِنْ هَـٰذَآ إِلَّا مَلَكٌۭ كَرِيمٌۭ ٣١ …

Uni ko`rgan chog`larida lol qoldilar, qo`llarini kesdilar. Va: «Alloh saqlasin!! Bu bashar emas! Bu karamli farishtaning o`zi-ku!» – deyishdi. — deyishgan. (Yusuf 12:31)

Bu yerda ham asl farishta hukmini bermaganlar, balki tashbih, ya’ni o‘xshatish ma’nosida aytishgan.

Xuddi shunday, ayolga “farishtam” deb aytilsa, bu:

• maqtash,

• erkalatish,

• yaxshi sifatga o‘xshatish

uchun aytilayotgan bo‘lsa — hukman joiz. Chunki bu haqiqiy farishta deb e’tiqod qilish emas, balki o‘xshatishdir.

Albatta, ayolga farishta hukmi berilmaydi, chunki farishtalar gunohsiz maxluqdir. Lekin tashbeh ma’nosida aytish — zararsiz.

Vallohu a’lam.