Bismillah, alhamdulilloh, vassalatu vassalamu ala rasulillahi va ba’d.

Endi, bu aslida lombard degani — odamga qarz beradi, lekin riboga qarz beradi. Keyin qarzni foizi bilan to‘lay olmaganidan so‘ng, ular garovga qo‘yilgan tilla buyumlarni o‘zlashtirib olib, keyin uni odamlarga auksion qilib sotadi. Hozir so‘ralayotgan ham shu masala, to‘g‘rimi?

Agar shunday bo‘layotgan bo‘lsa, demak, lombarddagi oldi-berdi riboviy qarz asosida bo‘ladi. Bu — harom yo‘l bilan kelgan mol. Shuning uchun ulamolar aytishadiki, bunday to‘planib qolgan narsalarni sotib olmaslik kerak.

Bu xuddi g‘asb qilingan, birovdan tortib olingan narsani sotib olishga o‘xshaydi. Yoki ribo yo‘li bilan yig‘ilgan narsalarni sotib olish — ularni qo‘llab-quvvatlash, yordam berish bo‘ladi. Sotib olish uchun boshqa joylar yo‘q emas, halol manbalardan borib olish mumkin.

Shuning uchun bunday tashkilotlarga va ularning moliga aralashmaslik kerak. Vallohu a’lam.