Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

“Yo‘l tushish” — ya’ni bosh terisida soch chiqmay qoladigan mayda doira hosil bo‘lishi — odatda vitamin yetishmasligidan bo‘ladi. Bunga Bismillah deb yozib qo‘yishning hech qanday shariatdagi asosi yo‘q. To‘g‘ri yo‘li — shifokorga murojaat qilish, kerakli vitamin va dori vositalarini ishlatish.

Bu holat hatto katta odamlarda ham bo‘ladi: ba’zan boshning ayrim joyida soch to‘kilib qoladi, keyinchalik esa o‘zidan-o‘zi qayta chiqadi. Demak, bu narsa sababga bog‘liq — asosan vitamin yetishmasligi yoki boshqa tibbiy omillar sabab bo‘ladi.

Shuning uchun bunday paytda tibbiy chora-tadbirlarni ko‘rish kerak, bid’at amallar bilan shug‘ullanish emas.

Vallohu a‘lam.