Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Aslida ayollar uchun jamoat namozlariga chiqish vojib emas. Ammo agar ayol jamoat namoziga chiqsa, ajrini oladi. Shuningdek, janoza namozida qatnashish ham ayollar uchun vojib emas, erkaklar uchun vojib.

Agar ayollar janoza namozida ishtirok etishsa, ajrlaridan mahrum bo‘lmaydilar. Ayniqsa, Haramda janoza tayyor holatda turibdi, vaqt olmasdan birgalikda o‘qilmoqda – bu holatda qatnashgan ayollar ham hadisda va’da qilingan savobga umid qilishi mumkin. Chunki hadis umumiy kelgan va faqat erkaklarga xos deb cheklanmagan. Shuning uchun bu savobdan ayollar ham nasibador bo‘lishi ehtimoli bor.

Xuddi shunday, hayit namozlari, juma namozlari ham ayollar uchun vojib emas. Ammo agar ayol jumaga chiqsa va juma namozini o‘qisa, peshin namozini o‘qimasa ham bo‘ladi, ya’ni juma o‘rniga o‘tadi. Shunday ekan, qatnashganiga yarasha ajr oladi, in shaa Allah.

Vallohu a’lam.