Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu — zaiflik holati. Kuch bilan to‘xtatish imkoningiz bo‘lmasa, qo‘lingizdan kelganicha isloh qilishga harakat qiling. Yozuvlarni har safar o‘chirib tashlang. Bu so‘zlar Allohga hech qanday zarar yetkazmaydi. Alloh taolo ulug‘, qudrat egasi. U bunday johil insonning qalbini ko‘r qilib qo‘ygan, xohlasa uni halok qiladi.

Agar qonuniy yo‘ldan kim yozayotganini aniqlash imkoningiz bo‘lsa, rasmiy tartibda murojaat qiling. Bunday xatti-harakatlarning jiddiy ekanini tushuntiring. Lekin ehtiyot bo‘ling — beparvolik yoki keskin javoblar sizga va boshqa musulmonlarga zarar keltirishi mumkin. Chunki sizlar xorijda yashayapsizlar va bu yerda o‘zbek, musulmon muhojirlarning obro‘si ham sizning xatti-harakatlaringizga bog‘liq.

Shuning uchun bu ishda taqvo bilan, sabr va hikmat bilan harakat qiling. Qur’onda va Sunnatda zaif holatdagi musulmonlar qanday yo‘l tutishi kerakligi haqida ko‘p ibratlar bor. Rasululloh ﷺ Makkada zaiflik davrida butlarni sindirmadilar — lekin vaqt-soati kelgach, birontasini ham qoldirmadilar. Bu — zaiflik holatlarida qanday muomala qilish kerakligini o‘rgatuvchi fiqhiy uslubdir.

Xulosa:

• Yozuvlarni darhol o‘chiring — iloji boricha iz qoldirmang.

• Kim yozayotganini qonuniy yo‘l bilan aniqlashga harakat qiling.

• Masalani to‘g‘ri tushuntirib, rasmiy joylarga murojat qiling.

• Musulmonlarga zarar kelmasligi uchun ehtiyotkorlik bilan yondoshing.

• Har doim taqvo, sabr va hikmat bilan harakat qiling.

Vallāhu a‘lam.