Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ulamolarning ta’kidlashicha, bu holat joiz sanaladi. Bu — “istisnо” (ya’ni buyurtma asosida tayyorlanadigan narsa) bobiga kiradi.

Istisno degani — odam hunarmandga, tikuvchi yoki zavodga oldindan pul berib, biror mahsulot yasatishidir. Masalan:

• Mashina, mebel, kiyim yoki kitob buyurtma qilasiz,

• Oldindan pul to‘laysiz,

• Mahsulot keyinchalik tayyorlanadi.

Uylarda ham shu kabi holat: hali qurilishi tugamagan bo‘lsa-da, aniq shartlar asosida oldindan kelishib, sotib olish mumkin. Biroq bu ishda aniqlik juda muhim:

1. Qurilish qachon tugashi aniq belgilangan bo‘lishi kerak.

2. To‘lov miqdori va to‘lov tartibi ochiq-oydin kelishilgan bo‘lishi kerak.

3. Uyning rejasi (chizmasi), o‘lchami, kvadrati, sifati va qanday materiallardan foydalanilishi haqida to‘liq ma’lumot berilishi lozim.

4. Hech qanday mojaroga sabab bo‘lmaydigan tarzda shartnoma tuzilsa — bu holatda bunday uylarni oldindan sotib olish joiz hisoblanadi.

Vallāhu a‘lam.