Ustoz, qo‘limda o‘zimning shaxsiy pulim bor. Shu pulimdan erimga aytmasdan turib ayollarga xos ko‘ylak yoki taqinchoqlar onlayn savdosiga o‘xshash biznes boshlasam bo‘ladimi?
Pul sizniki bo‘lsa ham, bu ishni boshlashdan oldin eringizdan ruxsat olganingiz ma’qul. Chunki bu faqat moliyaviy masala emas — bu ishga vaqtingiz, kuchingiz, e’tiboringiz ketadi. Natijada eringizga, farzandlaringizga, uy ishlari va oilaviy mas’uliyatlarga lozim bo‘lgan vaqt va kuch kamayishi mumkin.
Shariatda ayol eriga itoatli bo‘lishi, u bilan maslahatlashib ish tutishi kerak. Pul sizniki bo‘lsa ham, oilaviy hayotga ta’sir qiladigan har qanday ishda er bilan kelishilgan holda harakat qilish lozim.
Shuning uchun, bu biznesni boshlashdan avval eringiz bilan maslahat qiling, uning roziligini oling — bu baraka va totuvlikka sabab bo‘ladi.
Vallāhu a‘lam.