Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar ayol ginekolog bo‘lsa – bu ummatga juda foydali. Ayollar uchun ginekolog ayol zarurat, bu kasb shar’an joiz. Ammo bu maqsadga yetishish yo‘lida noshariy muhitlarga aralashish, hijobdan voz kechish, erkaklar bilan aralash-o‘ralashda o‘qish kabi harom amallarga duch kelinadigan bo‘lsa – unda bu yo‘l joiz emas.

Shariatda qoida bor:

“Al-gāyah lā tubarrir al-wasīlah” – Maqsad to‘g‘ri bo‘lsa ham, vosita (yo‘l) ham shariy bo‘lishi kerak.

Ya’ni, ginekolog bo‘lib ayollarga xizmat qilish maqsadingiz yaxshi bo‘lsa-da, unga olib boradigan yo‘l harom bo‘lsa – ruxsat berilmaydi.

Agar siz qizingizni bu yo‘nalishga hijobini saqlab, ayollar bilan alohida o‘qitiladigan muhitda yetishtira olsangiz – bu nur ustiga nur. Ammo agar bunga imkoniyat yo‘q bo‘lsa, hozirgacha yetishib chiqqan halal yo‘l bilan o‘qigan ginekolog ayollardan foydalangachimiz ma’qulroq.

Xulosa: maqsad yaxshi bo‘lsa-da, yo‘l ham halol bo‘lishi shart. Aks holda, bu yo‘l bilan yurishga shariat ruxsat bermaydi.
Vallohu a‘lam.