Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu masalada fuqaholar o‘rtasida ixtilof bor.

Shofi‘iy mazhabiga ko‘ra, shom namozining vaqti juda qisqa. Unga ko‘ra, shom vaqti quyosh botgach, tahorat olib, uch rakat farz va ikki rakat sunnat o‘qib bo‘lishgacha davom etadi. Shuning uchun Shofi‘iylarda shom namozi imkon qadar tez o‘qiladi.

Boshqa mazhablarda esa shom namozining vaqti “shafaq” yo‘qolguncha davom etadi. Ulamolar “shafaq”ning ma’nosi borasida ixtilof qilganlar:

• Ba’zilar shafaq – quyosh botgach osmondagi qizillik deb aytganlar (bu fikr ko‘pchilikka mansub),

• Ba’zilar esa oqlik deb tushunganlar.

Agar shafaq – qizillik desa, shom vaqti qizillik yo‘qolgunga qadar davom etadi. Agar oqlik desa, oqlik yo‘qolgach xufton vaqti kirgan bo‘ladi va shom vaqti chiqib ketadi.

Jibril alayhissalomdan kelgan hadislarda Rasululloh ﷺga ikki kun davomida namoz vaqtlari amaliy ko‘rsatilgan. Har ikki kuni ham shom namozi bir vaqtda o‘qilgan, ya’ni bu vaqti o‘rtasi yo‘q, bir vaqt. Shofi‘iylar shu dalilga tayangan.

Ammo jumhur ulamolar va hanifiy mazhabida shomning vaqti xufton kirguncha, ya’ni shafaq – qizillik yo‘qolguncha deb hisoblanadi.

Xulosa: Ko‘pchilik ulamolarga ko‘ra shom vaqti shafaq yo‘qolgunga qadar, ya’ni xufton vaqti kirgunga qadar davom etadi.

Vallohu a‘lam.