Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, bu holatdagi 10%ni ushlab qolish sharti shar’an noto‘g‘ri.

Nega deganda, foiz miqdorini oldindan belgilab, uni shartnoma sharti sifatida kiritish — nohaqlik bo‘ladi. Chunki u holda odam to‘lay olmasdan qolsa, zarar ko‘rgan ustiga yana jazolanadi.

Agar zararni haqiqiy holatga qarab baholab, “mabodo zarar bo‘lsa, uni qoplatish mumkin” deb kelishilgan bo‘lsa — bu mumkin. Lekin oldindan aniq nisbatda (masalan, 10%) belgilab qo‘yish — shar’iy jihatdan foizga yaqin va zolimona shart hisoblanadi.

Agar uy egalari shunday desa:
“To‘lovlar to‘xtatilsa, biz uyimizni qaytarib olamiz va shu kungacha to‘langan pullarni to‘liq qaytaramiz,” — bu shar’an to‘g‘ri bo‘ladi.

Ammo “10 foizini kesib qolamiz” degan shart — buni olib tashlash kerak. Shartnomaning boshqa bandlari shunga muvofiq bo‘lsa, savdo to‘g‘ri bo‘ladi.

Vallāhu a‘lam.