Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu holatda qo‘ldan kelganicha taqvo qilish kerak. Alloh taolo: “Fattaqullāha mastataʿtum”, ya’ni “Qo‘lingizdan kelganicha Allohdan qo‘rqinglar” — degan.

Boshqalar qilayotgan gunohlar, agar u inson ularni ma’qullamay, ularga qo‘shilmay, taqvo bilan o‘z ishi bilan shug‘ullansa, uni javobgar qilmaydi. Masalan, agar musiqa u tomonidan qo‘yilmayotgan bo‘lsa va u faqat eshitib qolayotgan bo‘lsa (tinglash emas), bu gunoh hisoblanmaydi. Chunki hozir bozorlar, do‘konlar, ko‘cha-ko‘yda musiqa eshitilib turadi — odam xohlamay turib qulog‘iga kiradi. Bu tinglash emas, eshitish bo‘ladi.

Agar bu odam hunar o‘rganish maqsadida vaqtincha shu joyda ishlayotgan bo‘lsa, va iloji boricha o‘zini bu yomonliklardan saqlab, taqvo bilan yursa — unda bu joiz bo‘ladi. Lekin imkoniyat topilsa, yaxshiroq muhitga o‘tish, ayollarni davolash holatlari bo‘lmaydigan joyda ishlash yoki musiqa yo‘q joyni tanlash — albatta, afzaldir.

Vallohu a‘lam.