Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, bu xilqatni o‘zgartirishga kirmaydi. Sochni tekis qilish — bu chiroyli ko‘rinish uchun qilinadigan parvarish va tarash ishlari sirasiga kiradi. Rasululloh ﷺ davrida ham sochni turmaklash, yig‘ish (masalan, aqsu sha’r — sochni orqaga yig‘ish) amalda bo‘lgan.

Shariatda xilqatni o‘zgartirish deb, fitratni butunlay buzuvchi harakatlar (masalan, jins o‘zgartirish, doimiy tatuirovka, hayvonlardek quloq kesish kabi) nazarda tutiladi. Sochni chiroyli qilish esa bunga kirmaydi.

Shunday ekan, sochi jingalak kishi uni vaqtincha tekislashtirib yuradigan bo‘lsa, bu joiz bo‘ladi. Bu parvarish va ziynatga kiradi, gunoh emas.

Vallohu a‘lam.